S4C

Navigation

Bydd un gêm gynghrair yn cael ei chwarae dros y penwythnos, sef y gêm fawr tua’r brig rhwng Y Bala a’r Seintiau Newydd, a bydd y cyfan yn fyw ar Sgorio brynhawn Sadwrn am 5.00. 

 

Dydd Sadwrn, 7 Tachwedd 

Y Bala v Y Seintiau Newydd | Dydd Sadwrn – 17:15 (S4C) 

Bydd hi’n 2il yn erbyn 1af ar Faes Tegid nos Sadwrn gyda’r Seintiau Newydd yn anelu i agor bwlch o wyth pwynt ar y brig. 

 

Mae’r gêm hon yn cael ei hail-chwarae wedi iddi gael ei gohirio ar ôl 88 munud yn gynharach yn y tymor gan i’r llifoleuadau ddiffodd yn Y Bala – roedd hi’n 2-2 ar y pryd. 

 

Dyw’r Bala ond wedi colli un o’u pedair gêm gartref ddiwethaf yn erbyn Y Seintiau Newydd, ond fe gollon nhw honno mewn steil (Bala 0-7 YSN)! 

 

Mae pedwar prif sgoriwr y gynghrair yn debygol o chwarae nos Sadwrn, sef Chris Venables (10), Greg Draper (7), Louis Robles (7) a Will Evans (6) – Danny Williams o Hwlffordd yw’r unig chwaraewr arall i gyrraedd chwe gôl. 

 

Dyw’r Seintiau heb golli dim un o’u naw gêm gynghrair hyd yma (ennill 8, cyfartal 1), tra bo’r Bala yn mwynhau eu dechrau gorau erioed i dymor yn yr uwch gynghrair (20pt wedi 9 gêm). 

 

Record cynghrair diweddar: 

Y Bala: ✅✅✅✅ 

Y Seintiau Newydd: ✅✅✅➖✅ 

 

 

Bydd uchafbwyntiau’r gêm i’w gweld ar Sgorio nos Lun am 5:25. 

Sion Richards

Awdur Sion Richards

Mwy gan Sion Richards
Methu dod o hyd i'r hyn oeddech chi'n chwilio amdano?