Pêl-droed rhyngwladol yn fyw – y gêm gyfeillgar rhwng Gibraltar a Chymru o’r Estadio Algarve, Faro.
Ar ôl diweddglo dramatig ond siomedig i’r ymgyrch i gyrraedd Euro 2024, mae golygon Rob Page a’i garfan yn troi at Gynghrair y Cenhedloedd UEFA.
Ond cyn y gemau rheiny’n yr hydref, mae dwy gêm gyfeillgar i arbrofi ac adeiladu momentwm.
Gibraltar yw’r gwrthwynebwyr a chyfle i wynebau newydd greu argraff.
Y cyfan yn fyw yng nghwmni Dylan Ebenezer, Owain Tudur Jones, Sioned Dafydd a gweddill tîm Sgorio.
Tîm Cymru
Cyhoeddodd Rob Page garfan o 25 chwaraewr, Ddydd Mercher Mai 29 ar faes Eisteddfod yr Urdd ym Meifod, ar gyfer gemau cyfeillgar yn erbyn Gibraltar a Slofacia.
Newidiadau ers y garfan ddiwethaf – Ben Cabango, Joe Low a Wes Burns yn dychwelyd gyda Fin Stevens, Charlie Crew a Lewis Koumas yn cael eu galw i’r tîm cyntaf am y tro cyntaf. 7 enw o’r garfan ddiwethaf ar goll – Wayne Hennessey, Neco Williams, Morgan Fox, Aaron Ramsey, Harry Wilson, David Brooks a Dylan Levitt.
Mae’n gyle i Rob Page arbrofi gyda’r tô ifanc sydd yn dod trwyddo wrth i Gymru baratoi ar gyfer gemau Cynghrair y Cenhedloedd v Twrci a Montenegro ym mis Medi.
