S4C

Navigation

Golwg sydyn ar y gemau canol wythnos yn Uwch Gynghrair Cymru. 

 

Nos Fawrth, 1 Rhagfyr 

Caernarfon v Y Bala | Nos Fawrth – 19:45  

Ar ôl cerdyn coch cynnar i’r golwr Josh Tibbets brynhawn Sadwrn, colli oedd hanes Caernarfon yn erbyn Hwlffordd ar yr Oval (Cfon 1-4 Hwl). 

 

Mae tîm Huw Griffiths wedi llithro i hanner isaf y tabl am y tro cyntaf y tymor hwn ar ôl casglu dim ond un pwynt o’u pum gêm ddiwethaf. 

 

Bydd Y Bala’n llawn hyder yn dilyn rhediad o wyth gêm heb golli (ennill 6, cyfartal 2) – eu cyfnod gorau ers pedair blynedd, pan aeth y clwb ar rediad o 11 o gemau heb golli. 

 

Mae’r Bala wedi ennill eu pedair gêm ddiwethaf yn erbyn Caernarfon gyda’r capten Chris Venables yn rhwydo pum gôl mewn tair gêm yn erbyn y Caneris. 

 

Record cynghrair diweddar:    

Caernarfon: ❌❌➖❌ 

Y Bala: ➖➖ 

 

 

Cei Connah v Fflint | Nos Fawrth – 19:45 

Er colli dim ond un o’u 12 gêm y tymor hwn mae Cei Connah chwe phwynt y tu ôl i’r Seintiau ar frig y tabl, ond mae gan y Nomadiaid gêm wrth gefn. 

 

Mae’r Fflint yn parhau i fod mewn perygl yn y ddau isaf ar ôl colli naw o’u 12 gêm gynghrair hyd yma. 

 

Y gêm ddiwethaf rhwng y clybiau oedd yn rownd wyth olaf Cwpan y Gynghrair yn Hydref 2019 – Cei Connah yn ennill 4-1 a Connor Harwood yn agor y sgorio i’r Nomadiaid cyn iddo arwyddo i’r Fflint. 

 

Record cynghrair diweddar: 

Cei Connah:  ➖❌ 

Y Fflint: ❌❌❌✅ 

 

 

Hwlffordd v Aberystwyth | Nos Fawrth – 19:45 

Mae Hwlffordd wedi codi i’r hanner uchaf ar ôl buddugoliaeth gyfforddus yn erbyn Caernarfon ddydd Sadwrn. 

 

Dyw Aberystwyth ond wedi ennill dwy gêm y tymor hwn, a rheiny yn erbyn y ddau glwb isaf, sef Y Fflint a Derwyddon Cefn. 

 

Hon fydd y gêm gyntaf rhwng y timau ers Hydref 2016 pan enillodd Hwlffordd 1-0 yn ail rownd Cwpan y Gynghrair. 

 

Record cynghrair diweddar: 

Hwlffordd:  ➖❌ 

Aberystwyth:  ✅❌➖➖ 

 

 

 

Met Caerdydd v Y Drenewydd Nos Fawrth – 19:45 

Roedd hi’n fuddugoliaeth fawr i’r myfyrwyr yn erbyn Y Fflint ddydd Sadwrn gyda’r triphwynt yn codi Met Caerdydd o’r 10fed i’r 7fed safle, dim ond un pwynt o dan yr hanner uchaf. 

 

Fel Aberystwyth, dyw’r Drenewydd ond wedi curo’r ddau isaf y tymor hwn, ac mae’r Robiniaid wedi syrthio i’r 10fed safledim ond un pwynt uwchben safleoedd y cwymp. 

 

Dyw’r Drenewydd erioed wedi ennill oddi cartref yng Nghampws Cyncoed, a’r tîm cartref sydd wedi ennill pob un o’r saith gêm ddiwethaf rhwng y clybiau yma (ers i Met ennill 0-1 ar Barc Latham yn Rhagfyr 2016). 

 

 

Record cynghrair diweddar: 

Met Caerdydd: ❌✅ 

Y Drenewydd: ➖❌✅➖ 

 

 

Nos Fercher, 2 Rhagfyr 

 

Derwyddon Cefn v Y Seintiau Newydd Nos Fercher – 19:45 

Y Derwyddon sydd ar waelod y tabl, bedwar pwynt y tu ôl i weddill y pac, ond mae gan hogiau Bruno Lopes ddwy gêm wrth gefn felly does dim angen dechrau poeni’n ormodol ar hyn o bryd. 

 

Y Seintiau yw’r unig glwb sy’n dal heb golli gêm y tymor yma, a tydyn nhw chwaith heb golli dim un o’u 20 gêm ddiwethaf yn erbyn y Derwyddon (ennill 18, cyfartal 2). 

 

Mae tîm Scott Ruscoe wedi ennill eu pum gêm ddiwethaf yn erbyn y Derwyddon gan sgorio 22 o goliau (Greg Draper yn sgorio naw o’r goliau rheiny). 

 

Record cynghrair diweddar: 

Derwyddon Cefn: ❌✅❌❌ 

Y Seintiau Newydd: ✅➖✅ 

 

 

Bydd uchafbwyntiau i’w gweld ar Mwy o Sgorio nos Fercher am 9:40. 

Rhys Llwyd

Awdur Rhys Llwyd

Mwy gan Rhys Llwyd
Methu dod o hyd i'r hyn oeddech chi'n chwilio amdano?