Bae Colwyn (11eg) v Pen-y-bont (7fed) | Dydd Sadwrn – 14:30
Yn yr unig gêm gynghrair y penwythnos hwn bydd Bae Colwyn yn croesawu Pen-y-bont mewn gêm sydd wedi cael ei hail-threfnu wedi i’r ornest wreiddiol gael ei gohirio ar 21 Hydref oherwydd y glaw trwm.
Er gwaethaf eu buddugoliaeth o 3-0 oddi cartref ym Mhontypridd brynhawn Sadwrn diwethaf, mae Bae Colwyn yn dal yn gyfartal ar bwyntiau gydag Aberystwyth ar waelod y tabl.
Roedd y Gwylanod wedi mynd ar rediad o saith gêm gynghrair heb ennill cyn curo Pontypridd yn gyfforddus, a byddai triphwynt arall y penwythnos hwn yn codi tîm Steve Evans o’r ddau isaf.
Wrth i hanner cynta’r tymor ddod i ben, byddai Pen-y-bont ddim wedi disgwyl bod yn hanner isa’r tabl, ond byddai triphwynt iddyn nhw ddydd Sadwrn yn eu codi i’r Chwech Uchaf gyda chwe gêm i fynd tan yr hollt.
Mae blaenwr 38 mlwydd oed Pen-y-bont, Chris Venables wedi sgorio 11 gôl mewn 13 ymddangosiad yn y gynghrair ers ymuno â’i glwb newydd, a byddai gôl arall yn ei roi’n hafal ag Aaron Williams (Y Drenewydd) ar frig rhestr prif sgorwyr y gynghrair.
Mae Venables wedi sgorio gôl gynghrair yn erbyn bob un o clybiau presennol Uwch Gynghrair Cymru yn ystod ei yrfa, oni bai am Bae Colwyn, a bydd yntau a Rhys Griffiths eisiau talu’r pwyth yn ôl i’r Gwylanod a enillodd o 1-0 ym Mryntirion nôl ym mis Medi trwy gôl hwyr Alex Downes.
Record cynghrair diweddar:
Bae Colwyn: ͏✅❌➖❌❌
Pen-y-bont: ➖✅❌❌❌
Bydd uchafbwyntiau’r gêm ar gael ar wefannau cymdeithasol Sgorio.
