S4C

Navigation

Bydd un gêm gynghrair yn cael ei chwarae dros y penwythnos, sef yr ornest rhwng Hwlffordd a’r Bala, a bydd y cyfan yn fyw ar Sgorio brynhawn Sadwrn am 5.00.

 

Dydd Sadwrn, 31 Hydref

Hwlffordd v Y Bala | Dydd Sadwrn – 17:15 (S4C)

Roedd Hwlffordd yn hynod o anlwcus i adael Neuadd y Parc yn waglaw y penwythnos diwethaf ar ôl bod ar y blaen ddwywaith yn erbyn Y Seintiau Newydd cyn ildio wedi 90 munud a cholli’r gêm.

Mae’r Bala wedi ennill eu pedair gêm ddiwethaf a byddai buddugoliaeth arall yn eu codi uwchben Cei Connah i’r ail safle ac yn cau’r bwlch ar y Seintiau Newydd (eu gwrthwynebwyr nesaf) i driphwynt.

Hwlffordd oedd yn fuddugol yn y gêm ddiwethaf rhwng y timau gyda Jack Wilson yn taro’n hwyr i gipio’r pwyntiau i’r Adar Glesision, ond dyw Hwlffordd erioed wedi ennill gêm gartref yn erbyn Y Bala.

Dyw Hwlffordd heb orffen yn uwch na’r 12fed safle yn Uwch Gynghrair Cymru ers gorffen yn 7fed yn 2008/09 pan oedd 18 clwb yn y gynghrair.

 

Record cynghrair diweddar:

Hwlffordd: ✅❌✅ ➖❌

Y Bala: ❌✅✅✅✅

Bydd uchafbwyntiau’r gêm i’w gweld ar Sgorio nos Lun am 5:25.

Sion Richards

Awdur Sion Richards

Mwy gan Sion Richards
Methu dod o hyd i'r hyn oeddech chi'n chwilio amdano?