Ar ôl dechrau gwych i’r ymgyrch, taith i Fwlgaria sy’n wynebu Cymru nos Fercher. Llwyddodd Cymru i drechu’r gwrthwynebwyr yn Stadiwm Dinas Caerdydd diolch i gôl hwyr Neco Williams ym mis Medi a bydd Ryan Giggs a’i dîm yn gobeithio am ganlyniad tebyg gyda Cymru ar frig eu grŵp ar ôl dechreuad di-guro i’w hymgyrch Cynghrair y Cenhedloedd UEFA.
Bydd Aaron Ramsey a Kieffer Moore yn methu’r daith i Soffia, gyda Gareth Bale hefyd allan o’r garfan – felly bydd gofyn i blaenwr Leeds, Tyler Roberts arwain yr ymosod i dîm Cymru.
Er yr anafiadau mae talent ifanc creadigol ar gael, gan gynnwys Dan James a Harry Wilson.
Dyw Cymru heb golli yn eu hymgyrch Cynghrair y Cenhedloedd UEFA gan guro’r Ffindir (0-1), Bwlgaria (1-0) a sicrhau gêm gyfartal 0-0 yn Nulyn yn erbyn Gweriniaeth Iwerddon ddydd Sul diwethaf.
Ond bydd gofyn i Gymru i befformio dipyn yn well na’r pefformiad dros y Sul, gyda tîm Ryan Giggs methu a chreu cyfleoedd clir yn erbyn y Gwyddelod.
Bwlgaria v Cymru, y cyfan yn fyw ar S4C nos Fercher am 7.25, gyda’r gic gyntaf am 7.45.
Ymunwch â Dylan Ebenezer ac Owain Tudur Jones, gyda Nic Parry a Malcolm Allen yn y pwynt sylwebu.
