Mae hi’n wythnos Cwpan FA Lloegr Emirates wrth i Bournemouth o’r Uwch Gynghrair groesawu Abertawe o’r Bencampwriaeth i Stadiwm Vitality yn y bedwaredd rownd.
Dim ond unwaith mae’r ddau dîm erioed wedi cyfarfod yng Nghwpan FA Lloegr, yn ôl ym mis Tachwedd 2000 pan ennillodd Bournemouth o 2-0.
Mae’r record benben yn mynd o blaid y tîm cartref gydag Abertawe heb fuddugoliaeth yn eu herbyn yn y 12 gêm diwethaf (Cyf 4, Colli 8).
Mae Bournemouth wedi cael y gorau o’r Elyrch yn barod y tymor hwn ar ôl eu curo yng Nghwpan y Gynghrair ddiwedd Awst gydag ymdrech amser ychwanegol Ryan Christie yn torri calonnau’r Elyrch.
Cyrrhaeddodd y ddau dîm ddim pellach na’r drydedd rownd y tymor diwethaf wrth i Bournemouth golli gartref yn erbyn Burnley ac Abertawe yn colli yn erbyn Bristol City ar ôl gorfodi ail gêm yn dilyn gêm gyfartal oddi cartref.
Rhediad y tymor hwn
Goroesodd tîm Andoni Iraola hanner cyntaf caled yn erbyn Queen’s Park Rangers yn nhrydedd rownd y gystadleuaeth y tymor hwn wrth ddod yn ôl o ddwy gôl i lawr i daro tair gôl yn yr ail hanner i sicrhau eu lle yn y bedwaredd rownd.
Cafodd Abertawe fuddugoliaeth ychydig yn fwy cyfforddus yn erbyn Morecambe o’r ail adran gyda Charlie Patino a Jerry Yates yn rhwydo goliau ail hanner i roi’r Elyrch yn yr het. Mae gan Jerry Yates 8 gôl yn ei 9 ymddangosiad diwethaf yng Nghwpan FA Lloegr Emirates (5 gôl, Creu 3), un i’w wylio Nos Iau.
Record cynghrair
Aeth Bournemouth ar rediad gwych o saith gêm heb golli yn ymestyn o Dachwedd 11eg cyn colli 3-1 yn erbyn Tottenham ar Nos Calan. Dim ond dwywaith maen nhw wedi chwarae ers y golled honno, gyda buddugoliaeth Cwpan FA Lloegr yn erbyn QPR ac yn fwy diweddar colled trwm gartref yn erbyn Lerpwl.
Mae tîm Luke Williams wedi chwarae pedair gêm ers troad y flwyddyn newydd, gan gael dechrau da wrth guro West Brom a Morecambe cyn cael gêm gyfartal gyda Birmingham City sydd mewn trafferthion tua’r gwaelodion a cholled gartref yn erbyn Southampton sydd yn drydydd yn y gynghrair.
